Feeds:
Posts
Comments

Lepa sela lepo gore

Jo jo, ech hunn e bëssen gelappt nom September, a meng dräi Saisons zu Belgrad si leider scho riwwer…ech hoffen dir kruut awer genuch vu mir iwwert de Balkan erzeelt, an wann nitt, mir kennen dat nach ëmmer nohuelen! Fir lo mol bëssen frëschen Wand ze bréngen, ee klengen Review vun engem Film – natierlech aus dem Balkan.

Bis 1996 wäer den Ratko Mladic Generol vun der Arméi vun den bosneschen Serben, säin Numm steet an enker Relatioun zur véier Joer laang Belagerung vun Sarajevo (méi iwwert Sarajevo leesen kennt dir hei: https://troesel.wordpress.com/2011/09/19/sarajevo/.) 1992 bis 1996 an dem Massaker zu Srebrenica 1995. 16 Joer huet et gedauert ier heen, den 16. Mee, virun dem ICTY (International Criminal Tribunal for the former Yugoslavia) zu Den Haag zur Rechenschaft gezu gëtt. 16 Joer um Bockel huet och „Lepa sela lepo gore“ (wuertwiertlech iwwersaat: Schéi Stied brennen schéin), ee Film vum serbeschen Regisseur Srdjan Dragojevic, deen sech haaptsächlech während dem Bosnien Krich ofspillt, deen den Mladic sou markéiert huet. 
Continue Reading »

Advertisements

Eischten Besuch

A weider et geet!

Ier – no 2 Wochen – dann och endlech d‘Schaffen ugaang ass, kruut ech mäin éischten Besuch. Meng Mamm wäer an der wäisser Stad vum 16. bis den 18. September. Et ass witzeg, well während däer Zäit huet Belgrad sech ugefillt ewéi Vakanz, an nitt wéi meng momentan Wunn&Schaffplaatz. Vu dass vum Besuch erwäert gett, dass ech bessen méi iwwert Belgradweess, hunn ech mech mam Reiseführer virun d‘Diir gesat an op meng Mamm gewäert. Kuerz drop schwäetzt ee mech un:Can I help you? Do you look for something? I think for touristic things you are in the wrong spot. (Dat wäer rëm ee klengen Hack dorop, dass ech wierklech um östlechen Enn vun Belgrad wunnen). Continue Reading »

Exploring Beograd

Dann mol hei erëm ee klengen Update fir déi, déi sech nach kennen un déi Säit hei erënneren! 🙂

Nodeems dem Nikola säin Tipp fir de Metzler sou ee Volltreffer wäer, wäeren d‘Elisabeth an ech och ganz presséiert, fir säin zweeten Tipp ze checken. Den zweeten Tipp wäer Tempo, ee Buttik an der Industriezon bei der Pancevo-Bréck. Pancevo ass een nördlechen Viruert vun Belgrad, op deem ech eng engem spéideren Blogpost ganz am Detail wäert zréckkommen. Mir zwee hu gemengt, dass déi Bréck nitt sou wäit wech ass. Konsequenz vum Mengen: Continue Reading »

Densdes, den Dräizingten

No enger Woch Abstinenz vun Belgrad wosst ech nitt sou richteg, waat ech soll an waat mech géing erwäerden. Ech wäer 4 Deeg alleng an der Wunning an hunn näischt dra gemeet, firwat soll d‘Elisabeth eppes an 7 Deeg drun änneren? 
Um véierten Stack ukomm (waat guer nitt sou einfach mat enger Valiss ass) kruut ech d‘Diir mol nitt opgespäert. Si haaten awer nitt d‘Schlass nei gemeet, wéi ech deen éischten Moment geduecht hunn, mee d‘Elisabeth hat just de Schlëssel op däer aaner Säit dragelooss. Mee scho mam éischte Bléck ran an d‘Wunning konnt ech Verännerungen erhaschen: d‘Kichen haaten d‘Elisabeth an den Dragan ganz emgetesselt, mir kruuten eng nei Wäschmaschinn an op sengem Laptop hunn ech gesinn, dass et seng Facebooksäit ophaat. Mäi Réckschloss, dasse mir also lo Internet an der Wunning hätten, wäer awer falsch.  D‘Elisabeth haat sech een USB-Modem kaaft, fir alt bessen Kontakt zu Däitschland ze haalen, awer natierlech ass dee Modem nitt u mengem MacBook gaang. 
A spéitstens do hunn ech realiséiert, dass ech an Serbien wier an nitt méi a Lëtzebuerg. Di serbesch Post haat zwäer versprach, den Internetprobleem bannen 5 Deeg ze léisen, mee d‘Serben soen selwer vu sech, dass hei alles „polacko polacko“ ofleewt – lues lues.

Continue Reading »

Sarajevo

Sarajevo. 4 Silben.
Sarajevo. 4 Joer Belagerung, déi een nach no 15 Joer un all Eck gesäit.

Wat soll een iwwert eng Stad wéi Sarajevo soen? Wouhier kennt all säi Charme?
 Ech  mengen, fir bëssen z‘erkläeren firwat Sarajevo mir sou gudd gefält, fänken ech einfach beim leschten Owend un. No dem „On-Arrival-Training“ haate mir eis décidéiert, nach 2 Deeg méi laang an der Stad ze bleiwen. Continue Reading »

Um Sprong fir op Sarajevo

(ech hunn haut zwee Blog-Einträg gepost, fir bessen opzehuelen, also nitt vergeessen an “Zweeten Daag” virun deem hei leesen! :))

Mäin zweeten kompletten Daag huet manner ze bidden – alleng an deem groussen Apartement, ouni d‘Leit wierklech ze kennen, haat ech keng Motivatioun, irgendeppes vu Belgrad ze gesinn. Mettes hunn ech mech mam Jane getraff, fir den Trip op Sarajevo ze plangen. Doduerch hunn ech och zwee weider Voluntäeren kenne geléiert (gesidd dir, et fänkt schon un komplizéiert ze ginn :D), neemlech d‘Paulina aus Polen, waat bis Januar hei bleiwt an den Orhan aus der Türkei, deen nach 9 Méint zu Belgrad bleiwt.

Continue Reading »

Zweeten Daag

9 Auer, et erwächt een, ouni dass de Wecker schellt. Zu Lëtzebuerg géing mir daat nitt geschéien. Sou geschitt ass daat awer deen 2. Daag zu Belgrad. An da stellt sech d‘Fro: Waat mécht een an enger Milliounestad, sou grouss wéi Lëtzebuerg, wou een säin geographeschen Ëmkrees vun 100 Meter kennt, a vun Leit nach guer keng Ahnung huet? Trëppelen. Kucken. Trëppelen. Um 12 haat ech Rendez-Vous mam Dragan. Belgrad ass fir mech nach wéi een grousse wäisse Fleck, an sou hunn ech wäerend enger Stonn versicht menger Géigend „Karaburma“ bëssen méi Fäerw ze ginn.

Continue Reading »